Góðir félagar! Stjórn samtakanna hefur ákveðið að félagsfundur haustsins verði í formi fræðsluferðar um Austurland þetta haustið. Hún fer fram dagana 3.-5. nóvember og verður lágmarksþátttaka 20 manns. Gert er ráð fyrir að koma austur að kvöldi fimmtudags 3. nóv. og fræðsluferðinni lýkur seinnipart laugardags 5. nóv. Heimsóttir verða söguferðaþjónustustaðir á Héraði, í Fjarðabyggð, á Breiðdalsvík og Djúpavogi og hlýtt á mörg fræðsluerindi. Vonandi hafa sem flestir tækifæri til að blása mæðinni eftir sumar- og hausttörn ferðaþjónustunnar og slást með í för. Skráning er hjá starfsmanni okkar á katarzyna@islandsstofa.is og skráningarfrestur er til 7. okt. Flugfélagið gefur góðan afslátt á flugi svo að kostnaður (gisting, matur, rúta) á einstakling er ca. 38.700 kr. ef menn koma akandi en 65.425 kr. ef menn nota flugið. Þar sem þetta er fræðsluferð eiga menn að geta sótt um styrk til síns stéttarfélags fyrir hluta kostnaðar. Nánari dagskrá og meiri upplýsingar er að finna hér í pdf-skjali ssffraedsluferd2016.